Мядовы Спас святкавалі ў Альбуцi

У жніўні прайшло мерапрыемства «Мядовы Спас у Альбуці», прысвечанае 95-годдзю паэмы «Новая зямля». Месцам яго правядзення стала мемарыяльная сядзіба Альбуць у Стаўбцоўскім раёне. У iм прынялі ўдзел прадстаўнікі Мінскага метрапалітэна. Яны прайшліся па мясцінах дзяцінства класіка, якія ён уславіў у сваім знакамітым творы.

У сядзібе была размешчана выстава майстроў народнага мастацтва. На працягу ўсяго свята для гасцей выступалі калектывы мастацкай самадзейнасці Стаўбцоў, сустракалі ўсіх песнямі і жартамі. У гэты дзень прайшлі таксама забаўляльная праграма «Мёд на стале – дабрабыт у сям’і», экскурсія па мемарыяльнай сядзібе філіяла музея Якуба Коласа, тэатралізаваная праграма «Знахарчыны забавы» з удзелам казачных персанажаў, віктарына «Ах, мядок, мядок», майстар-клас ад пчалавода, кансультацыя ўрача-касметолага «Лячэбныя якасці мёду». Пачастункам для гасцей свята сталi мёд, травяная гарбата, блінцы.

Андрэй ДРОБ

Добавить комментарий

Этот сайт использует Akismet для борьбы со спамом. Узнайте как обрабатываются ваши данные комментариев.